Happy Sad Confused подкастында Борат бейнесінің авторы басында кейіпкер Албаниядан шығуы тиіс болғанын мойындады. Алайда жоба HBO телеарнасына өткеннен кейін, Коэн америкалық аудитория мүлдем бейхабар елді таңдауды жөн көрген, деп хабарлайды SHYNDYK.KZ.
«Мен Қазақстан халқынан алғаш рет кешірім сұрағым келеді, өйткені Бораттың Қазақстанға еш қатысы жоқ. Ешкімге зиян тигізгім келмеді. Мен сіздердің халқыңызды және мәдениетіңізді құрметтеймін. Мұны өздеріңізге қатысты деп қабылдамауларыңызды өтінемін. Кешірім сұраймын. Мен сіздердің акценттеріңізді сала алмаймын, өйткені қалай сөйлейтіндеріңізді білмеймін. Сіздер Боратқа мүлдем ұқсамайсыздар», — деді актер.
Еске салайық, 2006 жылы жарыққа шыққан комедиялық фильм Қазақстанды қисынсыз дәстүрлері бар артта қалған ел ретінде бұрмалап көрсетіп, халықтың орынды ашу-ызасын тудырған еді. Картина халықаралық деңгейде танымал болғанымен, жиырма жыл бойы толастамаған сынның нәтижесінде кейіпкердің авторы ақыры ресми түрде кешірім сұрауға мәжбүр болды.
