Forbes Kazakhstan 2026 жылғы Қазақстандағы ең ықпалды 25 әйелдің рейтингін жариялады. Биыл бұл тізім үшінші рет жасалып отыр.
Рейтингтің негізгі құрамы айтарлықтай өзгермеген. 25 қатысушының 18-і өткен жылғы позицияларын сақтап қалды. Ал алғашқы төрттіктегі есімдер өзгерген жоқ.
Тізімді Halyk Bank басқарма төрайымы Умут Шаяхметова қайтадан бастап тұр. Одан кейін Мадина Абылкасымова, Аида Балаева және Ляззат Ибрагимова орналасқан.
Биыл рейтингке бес жаңа есім қосылды. Олардың қатарында министрлер Акмарал Альназарова мен Жулдыз Сулейменова, продюсер Баян Алагузова, сондай-ақ кәсіпкерлер Гаухар Абыкаева мен Раушан Жаксыбай бар. Сонымен қатар Асель Жанасова рейтингке қайта енді.
Forbes Kazakhstan сараптамасы барысында 170-тен астам кандидатура қаралған. Қорытынды рейтинг сарапшылардың бағасы, сандық көрсеткіштер және медиадағы белсенділік негізінде жасалған.
