31 қазан күні Францияда ауқымды шерулердің жаңа толқыны өтті. Көшеге жүз мыңдаған адам шықты, олардың қатарында кәсіподақ өкілдері, студенттер мен жоғары сынып оқушылары, «сары жилеттілер» қозғалысының белсенділері және солшыл күштердің жақтастары бар, деп хабарлайды SHYNDYK.KZ.
Париждегі жастар маршының өзіне 15 мыңға жуық адам қатысқан. Қауіпсіздік мақсатында полиция негізгі акцияларды қала орталығынан жырақ жерде өткізуді талап етті. Наразылық шараларын ауыздықтау үшін Ішкі істер министрлігі ел аумағында 70 мың полицей мен жандармды жұмылдырды.
Өткен аптамен салыстырғанда шеруге шыққандар саны сәл азайғанымен, тәртіпсіздіктерге жол бермеу мүмкін болмады. Кешке қарай Париж, Лион, Марсель және басқа да ірі қалаларда шерушілер мен тәртіп сақшылары арасында қақтығыстар басталды. Франция ІІМ алдын ала мәліметі бойынша, тәртіпсіздіктер барысында 296 адам ұсталған.
