Оқиға клуб аумағында өтуі тиіс қайырымдылық кешкі асының қарсаңында болған. Қауіпсіздік шараларын тексеру барысында тәртіп сақшылары алаңда серуендеп, айналаны суретке түсіріп, телефонмен сөйлесіп жүрген 38 жастағы Джон Тэлеге назар аударған.
Тінту кезінде ер адамнан тапанша мен сауытбұзар оқ-дәрілер табылған. Кейінірек белгілі болғандай, күдіктіні Эль-Сегундо қаласының полициясы бұған дейін де іздеуге берген екен. Ол гольф-клубтан шамамен 25 шақырым жерде жасалған қарулы қарақшылық шабуылға қатысы бар деп айыпталып отыр.
Қазіргі уақытта құқық қорғау органдары қарулы азаматтың гольф-клуб маңында жүруінің нақты себептерін анықтап жатыр. Осы және өзге де халықаралық оқиғалардың барысын SHYNDYK.KZ редакциясы назарда ұстап, оқырманды тың ақпаратпен қамтамасыз ететін болады.
