Қазақстан Президенті Қасым-Жомарт Тоқаев Солтүстік Македония Президенті Гордана Силяновска-Давковаға елдің ұлттық мерекесі — Тәуелсіздік күніне орай құттықтау жеделхатын жолдады.
Құттықтау жеделхатында Қазақстан мен Солтүстік Македония арасындағы достық пен өзара түсіністікке негізделген екіжақты байланыстардың ілгері дамып келе жатқаны атап өтілді.
Қасым-Жомарт Тоқаев Гордана Силяновска-Давкованың қызметі мен игі бастамаларына толайым табыс, ал Солтүстік Македония халқына құт-береке тіледі.
