2026 жылдың басынан бері су үнемдеу технологиялары тағы 158,8 мың гектар жерге енгізілді. Үнемді суару жүйелеріне Түркістан, Алматы және Қызылорда облыстарының шаруалары белсенді көшіп жатыр.
Мемлекет ауыл шаруашылығы тауарын өндірушілерге қажетті жабдықты сатып алу шығындарының 80%-ына дейін өтейді. Су үнемдеу жүйелерін қолданған жағдайда суармалы судың құны 85%-ға дейін субсидияланады.
Мұндай технологияларды қолдауға 2026–2028 жылдары 214,6 млрд теңге қарастырылған.
Отандық өндіріс те дамып келеді. Соңғы екі жылда жаңбырлатып суару машиналарын шығаратын зауыттар саны төрттен жетіге дейін өсті.
Қазақстан 2030 жылға қарай жыл сайын 2,2 млрд текше метрге дейін су үнемдеуді жоспарлап отыр. Осы мақсатқа жету үшін су үнемдеу технологиялары қолданылатын жер көлемін 1,3 млн гектарға дейін ұлғайту көзделген.
