Жобаға Моңғолия, Конго және Нигерия қосылды. Қазақстан басқа елдермен де ынтымақтастық орнатуға дайын. Соның нәтижесінде жерсеріктердің жалпы саны 14-ке дейін жетуі мүмкін.
Жерді қашықтан зондтау аппараттары жер бетінің суреттерін түсіруге мүмкіндік береді. Алынған деректер ауыл шаруашылығы алқаптарын, экологиялық ахуалды, су ресурстарын және төтенше жағдайлардың салдарын бақылау үшін қолданылады.
Сонымен қатар Қазақстан ұлттық спутниктік байланыс жүйесін жаңартып жатыр. Қолданыстағы KazSat-3 аппаратын жаңа KazSat-3R жерсерігімен алмастыру жоспарланған. Оны жасауға Үкімет 10 млрд теңгеден астам қаржы бөлді.
Ғарыш аппараттарын құрастыру және сынақтан өткізу Астанадағы мамандандырылған кешенде жүргізіледі. Оның мүмкіндіктері отандық инженерлік базаны дамытуға және халықаралық ғарыш жобаларына қатысуға жол ашады.
