Ұлттық қауіпсіздік комитеті полициямен бірлесіп және прокуратураның үйлестіруімен жыл басынан бері Қазақстанның бірнеше өңірінде 24 ұйымдасқан қылмыстық топтың әрекетін тоқтатты.
Бопсалау, адам ұрлау, қаруды заңсыз сақтау және басқа да ауыр қылмыстарға күдік бойынша 169-дан астам адам ұсталды. Олардың арасында қылмыстық топтардың жетекшілері де бар.
Сонымен қатар күштік құрылымдар шекара маңындағы аудандарда, өнеркәсіп пен қоршаған ортаны қорғау салаларында қылмыстық схемаларға байланысты заңсыз табыс көздерін анықтап, жойды.
Аталған фактілер бойынша сотқа дейінгі тергеу жүргізіліп жатыр.
ҰҚК мәліметінше, Қылмыстық-процестік кодекстің 201-бабына сәйкес, тергеу мүддесіне байланысты басқа ақпарат жарияланбайды.
