Ең көп өрт Қостанай облысында тіркелген — сегіз ошақ. Ақмола облысында екі өрт шықты. Батыс Қазақстан және Павлодар облыстарында бір-бір өрт ошағы анықталды.
Өрттердің бір бөлігі «Қазавиаорманқорғау» жүргізген әуе патрулі кезінде анықталған. Сонымен қатар жағдайды бақылау үшін орман өртін ерте анықтау жүйелері мен мемлекеттік орман күзетінің деректері пайдаланылды.
Өрт ошақтарын сөндіруге орман күзетінің қызметкерлері, төтенше жағдайлар департаменттерінің бөлімшелері, жергілікті атқарушы органдардың өкілдері, авиация мен арнайы техника жұмылдырылды.
Кейбір өңірлерде өртті толық сөндіру жұмыстары жалғасып жатыр. Мамандар жалынның қайта тұтануына және әрі қарай таралуына жол бермеу үшін аумақтарды бақылауда ұстап отыр.
Өрттердің шығу себептері мен зардап шеккендер туралы ақпарат берілген жоқ.
