Бұл сома Қаржы және Ұлттық экономика министрліктерімен келісілген. Алдағы сайлау науқанына арналған брифингте белгілі болғандай, 29 қарашадағы саяси доданың шығыны биыл тамыз айында өткен Құрылтай сайлауына жұмсалған қаражат көлемімен шамалас.
Бөлінген қаржының 70 пайызға жуығы сайлау комиссиялары мүшелерінің жалақысын төлеуге бағытталады. Ал қалған қаражат сайлау процесін ұйымдастыруға және үміткерлердің үгіт-насихат жұмыстарын қамтамасыз етуге арналған.
Сайлауды өткізуге 85 мыңнан астам сайлау комиссиясының мүшесі жұмылдырылады. Атап айтқанда, жұмыс істеп тұрған комиссияларға қосымша 3 022 округтік комиссия құрылып, оның құрамына 15 110 адам кіреді.
Бұдан бөлек, дауыс беру процесі 3 113 бірмандатты округте өтеді. Мемлекет үміткерлерге сайлауалды үгіт-насихат жұмыстарын жүргізуге қолдау көрсету үшін арнайы қаржыландыруды да қарастырған.
Еске салайық, барлық деңгейдегі мәслихат депутаттарының кезектен тыс сайлауы 2026 жылдың 29 қарашасында өтеді.
