Орталық сайлау комиссиясының қаулысымен Қазақстандағы мәслихат депутаттарының кезектен тыс сайлауына жеті саяси партия ресми түрде қатысу құқығына ие болды. Алдағы саяси науқанға мына ұйымдар жіберілді:
🔹 «Ақ жол» Қазақстанның демократиялық партиясы;
🔹 «Ауыл» партиясы; 🔹 «Әділет» партиясы;
🔹 Жалпыұлттық социал-демократиялық партия;
🔹 «Байтақ» Қазақстанның жасылдар партиясы;
🔹 Қазақстан Халық партиясы;
🔹 «Respublica» партиясы.
Жалпы алғанда, қазақстандықтар алдағы сайлауда барлық деңгейдегі 228 мәслихатта 3 447 депутатты таңдауы тиіс. Оның ішінде: ▪️ 668 мандат — 20 облыстық мәслихатта; ▪️ 626 мандат — 38 қалалық мәслихатта; ▪️ 2 153 мандат — 170 аудандық мәслихатта бөлінеді.
Айта кетейік, бұл сайлау аралас жүйе бойынша өтеді. Яғни, кандидаттар партиялық тізіммен де, бірмандатты аумақтық округтер арқылы да сайлауға түсе алады. Бірмандатты округтерде азаматтардың өзін-өзі ұсынуына да рұқсат етілген. Сайлаушылардың сеніміне ие болған халық қалаулылары алдағы бес жыл бойы өз өңірлері тұрғындарының мүддесін қорғайтын болады.
Еске салайық, барлық деңгейдегі мәслихат депутаттарының кезектен тыс сайлауы 2026 жылдың 29 қарашасында өтеді. Дауыс беру учаскелері таңғы сағат 07:00-ден кешкі 20:00-ге дейін жұмыс істейді.
