Синоптикалық мәліметтерге сәйкес, Павлодар, Ақтөбе, Маңғыстау, Солтүстік Қазақстан және Ақмола облыстарында, сондай-ақ Астана мен Көкшетау қалаларында көктайғақ күтіледі. Қызылорда, Павлодар, Шығыс Қазақстан, Ақтөбе және Маңғыстау облыстарында қар және аралас жауын-шашын жауады. Ал Алматы, Жамбыл, Түркістан және Қарағанды өңірлерінде жаңбыр жауады деп болжануда.
Бұдан бөлек, республиканың бірден 13 облысында, атап айтқанда Алматы, Жамбыл, Түркістан, Қызылорда, Қарағанды, Павлодар, Ақтөбе, Маңғыстау, Батыс Қазақстан, Атырау, Солтүстік Қазақстан, Ақмола және Қостанай облыстарында қалың тұман түседі. Құтқарушылар жүргізушілер мен жаяу жүргіншілерді жолдарда барынша сақ болуға шақырады.
SHYNDYK.KZ редакциясы дауылды ескертулер туралы толық ақпаратты ҚР ТЖМ сайтынан білуге болатынын еске салады. Біз алдағы күндерге арналған ауа райының егжей-тегжейлі болжамын алу үшін «Қазгидромет» РМК-на ресми сауалнама жолдадық.
