Брифинг барысында журналистер министрге «көңілдесімен жарты миллиардқа Cartier сатып алып жатқан» шенеунікті суретке түсіруге бола ма деген арандатушылық мысал келтіріп, сұрақ қойды.
Сұраққа жауап берген Арман Қырықбаев мемлекеттік қызметкерлерді демалыс кезінде, жұмыстан тыс уақытта немесе балаларымен жүргенде, егер олар заң бұзбаса, суретке түсіру дұрыс емес екенін баса айтты.
Алайда, егер билік өкілі заң бұзған жағдайда ережелер өзгереді. Министрдің сөзінше, егер журналист мемлекеттік қызметшіні тікелей құқық бұзушылық немесе қызметтік әдепті өрескел бұзу үстінде таспаға тартып жатса, түсірілімге алдын ала рұқсат алу талап етілмейді.










