Әңгімелесу барысында Мемлекет басшысы қазақстандық-ресейлік қарым-қатынастардың ерекше сипатын және құқықтық саладағы өзара іс-қимылды дәйекті түрде дамытудың маңыздылығын атап өтті. Президент сондай-ақ Красновты Қазақстандағы бүкіл мемлекеттік-құқықтық жүйені жаңартуға бағытталған ауқымды саяси өзгерістер туралы хабардар етті.
Өз кезегінде Игорь Краснов қазақстандық соттармен белсенді өзара іс-қимыл орнатылғанын жеткізді. Бұл ынтымақтастықтың маңызды нәтижесі ретінде екі ел тарихында алғаш рет жоғарғы сот инстанциялары арасында келісім жасалды. Құжат кәсіби диалог үшін берік негіз қалап, жасанды интеллектіні енгізуге және сот төрелігін цифрландыруға жол ашады.
Бұдан бөлек, кездесуде ғылыми-білім беру саласындағы серіктестікті кеңейту, оның ішінде сот жүйесі қызметкерлерінің біліктілігін арттыру және цифрлық құзыреттерін дамыту мәселелері талқыланды.










