Қадағалау органының мәліметінше, Успен ауылдық округі әкімінің аппараты «МКК-Элит Строй» ЖШС шоттарына ірі көлемде қаражат аударған. Мердігер ұйым жол учаскесін жөндеуі тиіс болған, алайда іс жүзінде ол жерде ешқандай құрылыс жұмыстары жүргізілмеген.
Аталған жымқыру фактісі бойынша жергілікті әкімдіктің лауазымды тұлғалары мен мердігер компанияның өкілдеріне қатысты ҚР Қылмыстық кодексінің 189-бабымен (Сеніп тапсырылған бөтен мүлікті иемдену немесе талан-таражға салу) қылмыстық іс қозғалды. Қазіргі уақытта сотқа дейінгі тергеп-тексеру жұмыстарын Павлодар облысы бойынша ҰҚК департаменті жүргізуде.










