Оқиға куәгерлерінің айтуынша, марқұмның тамағы кесілген. Алайда полиция бұл мәліметті ресми түрде растаған жоқ.
Қостанай облыстық полиция департаменті аталған дерек бойынша қылмыстық іс қозғалғанын хабарлады.
«Оқиғаның барлық мән-жайын анықтауға, дәлелдемелерді жинау мен бекітуге, сондай-ақ қылмысқа қатысы бар адамның жеке басын анықтап, оны ұстауға бағытталған кешенді тергеу іс-шаралары жүргізіліп жатыр», – деп мәлімдеді полиция.
Әлеуметтік желілерде тағы бір адамға шабуыл жасалғаны туралы ақпарат тараған. Алайда полиция бұл мәліметті жоққа шығарды.
Қазіргі уақытта күдіктіні ұстау үшін жедел іздестіру шаралары жүргізіліп жатыр. Оған қажетті күштер мен құралдар жұмылдырылған. Іздестіру жұмыстары тәулік бойы жалғасуда.
Қылмыстық істің тергелуі облыстық полиция департаменті басшылығының жеке бақылауында.
Әзірге қылмыстың себебі мен күдіктінің кім екені туралы ресми ақпарат жарияланған жоқ.
