Бейнежазба авторы қызметкерге жасалған қарым-қатынасты орынсыз деп санап, араша түсуге шешім қабылдағанын айтты. Қыз блогердің назарын басқа жаққа аудару үшін өзін оның жанкүйері ретінде таныстырып, құшақтасуды ұсынған және даяшыны жіберуін сұраған.
Куәгердің айтуынша, Бекзат Елеусізов оған боқтық сөз айтып, кейін жас жігітпен бұрынғыдай сөйлесуін жалғастырған.
Қыз оқиғаның басын бейнежазбаға түсіріп үлгермегенін нақтылады.
«Осындай блогерлер өздерін бұлай ұстамай, қарапайым жастарды қорламаса екен деймін», — деп жазды видео авторы.
