Құрылтай Бюросының отырысы бір минут үнсіздікпен басталды. Құрылтай төрағасы Айбек Дәдебай қаза тапқандардың отбасыларына көңіл айтып, болған оқиғаны бүкіл ел үшін орны толмас қаза деп атады.
Депутаттар қаражатты жеке қаражатынан ерікті түрде жинап жатыр. Айдарбек Қожаназаров, Руслан Идрисов, Мейірхат Қасымбаев, Бекжан Айтқұлов және Махамбет Хасенов 20 млн теңгеден бөлді.
Дана Медеуова, Айжан Наимбекова және Бауыржан Жамалов 10 млн теңгеден аударды. Тұрарбек Тілемісов, Мұратбек Мұхамбедиев және Мұса Хайруллиев 5 млн теңгеден бөлді. Бегалы Ералиев 500 мың теңге аударды.
Жиналған қаражат «Ұлттық рух» қорына бағытталады. Қаражат жинау жалғасып жатыр.
