Сайлаушылар ең жоғары белсенділік танытқан өңір – Түркістан облысы. Мұнда тұрғындардың 92,16 пайызы дауыс берді. Жетісу облысында бұл көрсеткіш 91,19 пайызды, Қызылорда облысында 90,75 пайызды құрады.
Ең төмен көрсеткіш Алматыда тіркелді. Қаладағы сайлаушылардың 43,23 пайызы дауыс беруге қатысты. Астанада тұрғындардың 51,67 пайызы өз таңдауын жасады.
Қазақстан аумағындағы сайлау учаскелерінде дауыс беру аяқталды. Учаскелер жабылғаннан кейін сайлау комиссиялары бюллетеньдерді санауға кірісті.
Сайлау қорытындысы бойынша Қазақстанның жаңа бір палаталы Парламенті – Құрылтайдың алғашқы құрамы жасақталады. Дауыс берудің алдын ала нәтижелері Орталық сайлау комиссиясының арнайы брифингінде жарияланады.
