Құрылтай депутаты Екатерина Смышляева тұрғын үй қорын басқарудағы мәселелерді көтеріп, Өнеркәсіп және құрылыс министріне депутаттық сауал жолдады.
Оның айтуынша, «Әділет» партиясының мүшелері жазда МИБ және ПИК төрағаларымен, сондай-ақ көппәтерлі үйлердің тұрғындарымен кездесіп, 200-ге жуық өтініш пен ұсыныс жинаған.
Смышляева негізгі мәселелердің бірі ретінде бақылаушы органдар талаптарының МИБ төрағаларының нақты өкілеттіктеріне сәйкес келмеуін атады. Сонымен қатар басшыны ауыстыру, меншік иелері туралы мәліметтерге қол жеткізу және үйлерге банктік шот ашу кезінде де қиындықтар туындайды.
Депутат күрделі жөндеу құнының жоғары екенін, тұрғын үй қорының техникалық жағдайы туралы бірыңғай ақпарат жоқтығын және тұрғын үй қатынастары бөлімдерінде мамандар жетіспейтінін де атап өтті. Бұған қоса, үйлердің бірінші қабатында орналасқан коммерциялық нысандарға қатысты мәселелер көтерілді.
Осыған байланысты фракция мынадай шараларды ұсынды:
- МИБ төрағасы қайта сайланған кезде мәліметтерді автоматты түрде жаңарту;
- электрондық дауыс беру мүмкіндігі бар, үйлерді басқаруға арналған тегін цифрлық қызметті іске қосу;
- банктердің тұрғын үйлердің шоттарымен жұмыс істеуіне ортақ стандарт әзірлеу;
- тұрғын үйлердегі дәмхана және басқа да коммерциялық нысандарға қойылатын талаптарды күшейту;
- күрделі жөндеуді қаржыландыру тетіктерін кеңейту;
- тұрғын үй қатынастары бөлімдеріндегі қызметкерлер санын көбейту;
- тұрғын үй қорына техникалық аудит жүргізіп, оның жағдайы туралы цифрлық база құру.
Смышляева 2026 жылғы 12 шілдеге дейін құжат тапсырған ПИК-терді қайта тіркеу жұмысын аяқтауға да шақырды.
