Сот анықтағандай, бұрынғы шенеунік Ресей азаматының 100 миллион теңге парасын алып, оның 1003 жүк көлігінің Қазақстанға еш кедергісіз кіруіне жағдай жасаған.
Бұдан бөлек, ол пара берген адамға қызметтік құпия ақпаратты жеткізіп, тәуекелдерді басқару жүйесін айналып өту жолдарын түсіндірген.
Жемқорлық әрекетіне делдал да қатысқан. Ол пара ақшасын жеткізуге көмектесіп, осы қызметі үшін 25 миллион теңгеге жуық қаражат алған.
Сот үкімімен бұрынғы шенеунік 10 жылға бас бостандығынан айырылды. Ал оның сыбайласы 1 жыл 6 айға сотталды.
Сондай-ақ заңсыз алынған қаражатты мемлекет кірісіне өндіріп алу туралы шешім қабылданды. Екі сотталушы да мемлекеттік қызметте лауазым атқару құқығынан өмір бойына айырылды.
😀
0
😍0
😢0
😡0
👍0
👎0
