Қайғылы оқиға 13 қазанда сағат 17:10 шамасында болған. Әлеуметтік желілерде жол апаты түсірілген бейнежазба тарады. Жарияланған мәліметке сәйкес, көлік тізгінінде 2000 жылы туған жігіт болған. Бұған дейін полиция оның жеке басын анықтап, іздеу жариялағаны хабарланған.
SHYNDYK.KZ редакциясы Қызылорда облысының полиция департаментіне ресми сауал жолдады. Журналистер жүргізушінің ұсталған-ұсталмағанын, оны іздестіру үшін қандай шаралар қабылданып жатқанын және қылмыстық істің қай сатыда екенін сұрады.
Сондай-ақ редакция облыстық денсаулық сақтау басқармасына хабарласып, ауыр жарақат алған әйелдің қазіргі жағдайы туралы ақпарат сұратты.
Материал жарияланған сәтте құзырлы органдардан жауап түскен жоқ. Ресми мәлімет алынғаннан кейін SHYNDYK.KZ оқиғаның қосымша мән-жайын жариялайды.
