Базарбектің айтуынша, Нұржігіт 24 күннен кейін есін жиып, анасын, жұбайын, балаларын, бауырлары мен басқа да жақындарын тани бастаған.
Қазір 36 жастағы ер адам Тараздағы ауруханада ем қабылдап жатыр. Жамбыл облысының денсаулық сақтау басқармасы науқастың жағдайында оң өзгеріс барын растады. Алайда оның жағдайы әлі де ауыр, сондықтан қарқынды емді жалғастыру қажет.
Жол апаты 15 тамызда Жамбыл облысының Рысқұлов ауданындағы Батыс Еуропа – Батыс Қытай тасжолында болды. Полицияның алдын ала мәліметінше, Toyota автокөлігі жолдың жүру бөлігінде болған ер адамды қағып кеткен. Оқиғаға байланысты қылмыстық іс қозғалды.
Бақытжан Базарбек зардап шеккен азамат пен оның отбасына қолдау көрсеткендерге алғыс айтты. Сондай-ақ бұқаралық ақпарат құралдарын Нұржігіттің жағдайы туралы мәліметтерді мұқият тексеріп, бұрмаланған ақпарат таратпауға шақырды.
