Құжаттың берілгені туралы ҚР Премьер-Министрінің орынбасары – Жасанды интеллект және цифрлық даму министрі Жаслан Мәдиев хабарлады. Оның айтуынша, азаматтық беру туралы жарлыққа президент Қасым-Жомарт Тоқаев 30 қазанда қол қойған. Бүгін, 6 қарашада министр Машрабовқа көк төлқұжатты жеке өзі табыс етті.
Алекс Машрабов жасанды интеллект көмегімен бейне және суреттер жасауға арналған озық Higgsfield платформасын жасаушылардың бірі ретінде танымал. Ол компанияны 2023 жылы қазақстандық Ерзат Дулатовпен бірлесіп құрған. Стартап халықаралық нарыққа тез шығып, бүгінде бұл платформаны әлем бойынша 40 миллионнан астам адам пайдаланады.
Higgsfield-ті құрғанға дейін Машрабов AI Factory компаниясының іргетасын қалап, кейін оны америкалық Snap корпорациясына 166 миллион долларға табыспен сатқан болатын.
