Болашақ астронавтар арнайы дайындықтан өтіп, Ай бетінде жұмыс істеу дағдыларын меңгереді және ғарыштық зерттеулерге өз үлестерін қосады. Бағдарламаның ұзақ мерзімді басты мақсаттарының бірі — адамның Жер серігінде ұзақ уақыт болуына мүмкіндік беретін тұрақты инфрақұрылым құру.
Үміткерлерге қатаң талаптар қойылады: міндетті түрде АҚШ азаматтығы және аккредиттелген оқу орнында ғылыми-техникалық салалардың бірі (инженерия, биология, физика немесе компьютерлік ғылымдар) бойынша алынған магистр дәрежесі болуы шарт. Өтінімдерді қабылдау 2026 жылдың 3 желтоқсанына дейін жалғасады, ал жаңа астронавтар жасағының құрамын 2027 жылдың соңында іріктеу жоспарланған.
Сонымен қатар, NASA Commercial Lunar Payload Services (CLPS) бастамасының екінші кезеңін жүзеге асыруда. Бұл бағдарлама аясында агенттік Айға қажетті жабдықтар мен жүктерді жеткізу бойынша келісімшарттар жасаспақ. Қатысуға шақырылған сегіз компанияның қатарында SpaceX, Blue Origin және Lockheed Martin Space сияқты аэроғарыш алпауыттары бар.
