Израильде жаңа Кнессеттің құрамын және алдағы үкіметті жасақтау перспективаларын айқындайтын парламенттік сайлау өтіп жатыр. Саяси додада басты назар қазіргі үкімет басшысы Биньямин Нетаньяху мен оның басты бәсекелестерінің арасындағы тартысқа аударылған, деп хабарлайды Minval Politika.
Израильдің Орталық сайлау комитеті ұсынған алдын ала мәліметтерге сүйенсек, Нетаньяху жетекшілік ететін оңшыл «Ликуд» партиясы сайлаушылардың 23,4% дауысын жинап, көш бастап келеді. Одан кейінгі екінші орында 15,7% көрсеткішпен Гади Айзенкоттың «Яшар» партиясы тұр.
Сонымен қатар, Нафтали Беннет пен Яир Лапид альянсы 8,5%, Итамар Бен-Гвир басқаратын «Оцма Йехудит» партиясы 6,3%, ал Бецалель Смотричтің саяси ұйымы 5,8% дауысқа ие болған.
Қазіргі уақытта бюллетеньдерді санау процесі жалғасуда. Сайлаудың нақты әрі ресми қорытындылары 4 қарашада жарияланады деп күтілуде. Оған дейін бұл алдын ала көрсеткіштердің өзгеруі әбден мүмкін.
Сарапшылардың пікірінше, бұл сайлаудың нәтижесі болашақ билік коалициясын құру және Нетаньяхудың премьер-министр лауазымын сақтап қалуы үшін шешуші рөл атқарады.
