Дэвид Груш бұл туралы Joe Rogan Experience подкастында айтты. Оның сөзінше, жұрт ғарыштан іздеп жүрген белгісіз нысандардың құпиясы Жерден әлдеқайда жақын жерде — мұхит түбінде жатуы мүмкін.
Груш су астында көлемі бірнеше қалалық кварталмен шамалас үлкен нысан бар деген болжам айтты. Оның нақты қашан салынғаны немесе кімге тиесілі екені белгісіз.
Бұрынғы барлау қызметкерінің айтуынша, АҚШ әскери басшылығы мұндай нысанның болуы мүмкін екенінен хабардар. Егер оның айтқаны рас болса, аспанда байқалатын кейбір белгісіз нысандар ғарыштан емес, мұхит тереңінен көтерілуі мүмкін.
Дегенмен Груштың бұл сөздерін дәлелдейтін ашық әрі тәуелсіз деректер жарияланған жоқ. Сондықтан мұхит түбіндегі «база» туралы мәлімдеме әзірге расталған факт емес.
Дэвид Груш бұған дейін де АҚШ билігінде адамзатқа белгісіз технологиялар мен нысандарға қатысты құпия бағдарламалар бар деген мәлімдемелерімен танылған.
