Астанадағы Мәңгілік ел даңғылында куәгерлер сырты ақ бояумен шимайланған қара түсті көлікті видеоға түсіріп алған. Көліктің капоты мен есіктерінде «опасыз», «қызқұмар», «оңбаған» және өзге де былапыт сөздер мен ғайбаттар анық жазылған.
Мұндай радикалды қадамға біреудің жеке қарым-қатынас кесірінен, кек алу мақсатында барғаны айтпаса да түсінікті. Бір қызығы, жазу авторы былапыт сөздердің арасына «кешір» деген сөзді де қыстырып кеткен. Бұзақы бір сәтте бүлінген көлікті аяп кетсе керек.
Әлеуметтік желіде тараған кадрларға қарағанда, көлік иесі мұндай шулы дизайннан мүлдем ұялмайтын көрінеді. Ол темір тұлпарымен елорда көшелерінде еш саспастан, жүргіншілердің назарын аударып ары-бері жүр.
😀
0
😍0
😢0
😡0
👍0
👎0
