Қазақстандық 15 жастағы оқушылар цифрлық сауаттылық, қауіпсіздік және мұғалімдердің қолдауы бойынша бірқатар көрсеткіште ЭЫДҰ елдеріндегі орташа нәтижеден жоғары көрсеткіш көрсетті.
PISA-2025 халықаралық зерттеуіне Қазақстаннан 643 білім беру ұйымының 22,6 мыңнан астам оқушысы қатысты.
Зерттеу нәтижесіне сәйкес, қазақстандық оқушылардың 80%-ы жасанды интеллект көмегімен жасалған контентті бағалай алады. ЭЫДҰ елдеріндегі бұл көрсеткіш орта есеппен 63%-ды құрайды.
Сонымен қатар Қазақстандағы оқушылардың 77%-ы буллингке ұшырамайтынын айтқан. ЭЫДҰ бойынша орташа көрсеткіш — 53%.
Қазақстандық оқушылардың орташа нәтижесі жаратылыстану ғылымдары бойынша 420 балл, математикадан 414 балл, ал оқу сауаттылығы бойынша 385 балл болды.
