Премьер-министр Олжас Бектенов Үкіметтің жаңарған құрамына жұмысты жедел жүргізіп, елдің саяси және экономикалық жаңғыруының жаңа кезеңіне дайын болуды тапсырды.
Үкіметтің жаңа құрамымен өткен алғашқы отырыста төтенше жағдайлар министрі Мұрат Мұханов ант берді.
Олжас Бектеновтің айтуынша, жаңа кезеңде елдің әлеуметтік-экономикалық дамуын қамтамасыз ету үшін кешенді әрі жүйелі шаралар қабылдау қажет. Үкімет жұмысы нақты нәтижеге бағытталуы тиіс.
Премьер-министр мемлекеттік басқаруда «Заң мен тәртіп» және «Таза Қазақстан» қағидаттарына ерекше мән берілетінін атап өтті.
«Қазір толық жауапкершілікті өз мойнымызға алып, қажетті шешімдерді жедел қабылдайтын уақыт», — деді Олжас Бектенов.
Ол Үкімет мүшелерін жүктелген міндеттерді сапалы орындап, өзекті мәселелер бойынша жедел әрекет етуге шақырды.
Айта кетейік, Қазақстанның жаңа Конституциясы 2026 жылғы 1 шілдеден бастап күшіне енді.
