Шымкентте жүк көлігінің жүргізушісі қоқысты арнайы белгіленбеген жерге төгіп кеткен. Бұл әрекет полиция дроны арқылы тіркелді.
Әуе бақылауы кезінде тәртіп сақшылары КамАЗ жүргізушісінің қалдықтарды рұқсат етілмеген аумаққа түсіріп жатқанын анықтаған. Көлік арнайы тұраққа қойылып, жүргізуші жауапкершілікке тартылды.
Сонымен қатар оған төгілген қоқысты қайта жинап, аумақты тазарту міндеттелді.
Ішкі істер министрлігінің мәліметінше, жыл басынан бері Шымкентте тазалық пен абаттандыру талаптарын бұзудың 30 мыңнан астам дерегі анықталған.
