Қазақстанның Бас көлік прокуратурасы хабарлағандай, қаскөйлер кедендік бақылаудан сытылып өту үшін өзгеше айлаға барған. Өзбекстан азаматтары Түркияға білдірмей алып өту мақсатында жалпы салмағы 2,8 келіге жуықтайтын алтын бөлшектерін шамадандардың ішкі астары мен жүк қаптамасына жағып қойған.
Алайда контрабандашылардың жоспары іске аспады. Жалпы құны 227,8 миллион теңгеге бағаланған бағалы металл тәркіленіп, сот үкімін күтпестен бірден мемлекет кірісіне айналдырылды.
Қазіргі таңда сот төрелігінен жасырынып жүрген күдіктілердің өздері халықаралық іздеуге жарияланды. Аталған контрабанда дерегі бойынша соталды тергеп-тексеру жұмыстары жалғасып жатыр.
😀
0
😍0
😢0
😡0
👍0
👎0
