Ішкі істер министрлігі ғаламтор кеңістігін қадағалау басталғалы тікелей эфир барысында балағат сөздер айтып, қоғамдық тәртіпті бұзған және қауіпті әрекеттер жасаған 20-дан астам блогердің жауапқа тартылғанын мәлімдеді. Ведомство мұндай контенттің күн сайын қалың көпшілікке, оның ішінде кәмелетке толмағандарға да қолжетімді екенін баса айтты.
Соңғы тіркелген жағдайлар:
Шымкент – 48 жастағы Ербол Дүйсенбаев TikTok желісіндегі тікелей эфирде балағат сөздер айтқан. Сот оны 10 тәулікке әкімшілік қамауға алу туралы шешім шығарды.
Талдықорған – 44 жастағы Гүлмира Қасенова трансляция кезінде былапыт сөздер қолданған. Ол бұған дейін де жауапқа тартылғандықтан, сот оған айыппұл салды.
Павлодар – 26 жастағы Аслан Амантаев қауіпсіздік белдігін тақпай көлік жүргізіп келе жатып тікелей эфирге шыққан. Сот оны 20 тәулікке әкімшілік қамауға алды.
Түркістан – bayan_kyz, fatima.sh0000 және fatima_s003 никтерімен танымал Баян Шәнкееваға әкімшілік айыппұл салынды. ІІМ мәліметінше, ол тікелей эфирлерде балағат сөз айтып, агрессивті мінез-құлық танытқан.
