Мемлекет басшысы Қасым-Жомарт Тоқаев елорда әуежайында аса мәртебелі қонақтар — Бельгия Королі Филипп пен Королева Матильданы салтанатты түрде шығарып салды.
Астанада өткен жоғары деңгейдегі келіссөздер барысында тараптар Қазақстан мен Бельгия арасындағы сауда-экономикалық, инвестициялық және мәдени-гуманитарлық байланыстардың келешегін талқылаған болатын. Бұл мемлекеттік сапар екіжақты стратегиялық әріптестікті нығайтуға тың серпін берді.
Бельгия монархтарының мемлекеттік сапары бүгін Алматы қаласында жалғасады. Оңтүстік астанада бірқатар іскерлік және мәдени кездесулер, сондай-ақ өңірдің ғылыми-білім беру әлеуетімен танысу жоспарланған.
