Мемлекет басшысы өз жолдауында бұл атаулы күннің Әзербайжан мемлекеттілігін нығайтудағы ерекше тарихи маңызын атап өтті. Қасым-Жомарт Тоқаев бұл мерекенің бүкіл Оңтүстік Кавказдағы ұзақ мерзімді бейбітшілік пен тұрақтылықты қамтамасыз етуде шешуші рөл атқаратынын және бұл аймақтағы барлық елдердің мүддесіне толық сай келетінін жеткізді.
Сонымен қатар, Қазақстан Президенті екіжақты қарым-қатынастардың қазіргі деңгейін жоғары бағалады. Ол Астана мен Баку арасындағы стратегиялық серіктестік пен одақтастықтың нығайып келе жатқанына тоқталып, бұл жемісті ынтымақтастықтың екі елдің бауырлас халықтарының игілігі үшін алдағы уақытта да табысты дами беретініне зор сенім білдірді.
😀
0
😍0
😢0
😡0
👍0
👎0
