Қазақстан Президенті Қасым-Жомарт Тоқаев Корея Республикасының Президенті Ли Чжэ Мённің шақыруымен Оңтүстік Кореяға мемлекеттік сапармен барды, деп хабарлайды SHYNDYK.KZ.
Сеул әуежайында Мемлекет басшысын Корея Республикасы Премьер-министрінің орынбасары әрі ғылым және ақпараттық-коммуникациялық технологиялар министрі Пэ Гён Хун қарсы алды.
Қазақстан мен Оңтүстік Корея сауда, өнеркәсіп, инвестиция және білім салаларында ынтымақтасып келеді. Экономикалық байланыс аясында Қазақстан Оңтүстік Кореяға шикізат жеткізсе, бұл елден автомобильдер, жабдықтар мен құрамдас бөлшектер импортталады.
Екі ел арасында сауда-экономикалық және ғылыми-техникалық ынтымақтастық жөніндегі үкіметаралық комиссия жұмыс істейді.
Мәдени және білім беру байланыстары да екіжақты ынтымақтастықтың маңызды бағыты саналады. Оңтүстік Корея университеттерінде Қазақстанды зерттеу бағыттары дамып, қазақ тілі оқытылады.
