Дональд Трамп соңғы 80 жыл ішіндегі ең ірі әскери кеме жөндеу зауытының құрылысы басталатынын мәлімдеді. Құны 6 миллиард долларға жуық бұл инфрақұрылымдық жоба Американың Әскери-теңіз күштерін нығайту мақсатында Балтимор қаласында қолға алынады.
Жаңа өнеркәсіптік алаң Мэриленд штатындағы Спарроус-Пойнт аумағында орын тебеді. Жобаны қаржыландыру екі ірі көзден жүзеге асырылуда: Anduril технологиялық компаниясы құрылысқа 3 миллиард доллар бөлсе, тағы 2,9 миллиард доллар тікелей АҚШ Әскери-теңіз күштерінің бюджетінен бағытталады.
Fox News телеарнасынан көрсетілген ресми сөзінде Трамп жаңа верфті Америка флотының болашақ іргетасы деп атады. Президенттің айтуынша, бұл инфрақұрылымдық жобаны жүзеге асыру күш көрсету арқылы бейбітшілікке қол жеткізу доктринасына негізделген. Сондай-ақ мемлекет басшысы Құрама Штаттардың қазіргі әскери қуаты тарихи шарықтау шегіне жеткенін қадап айтты.
