АҚШ Президенті Дональд Трамп жасанды интеллекттің дамуы адамзаттың жойылуына әкелуі мүмкін деген қауіппен келіспейтінін айтты. Ол бұл пікірін Ирландияға сапары кезінде білдірді, деп хабарлайды SHYNDYK.KZ.
«Сіздер теріс сценарийлер туралы тым көп ойлайсыздар. Мұндай жағдай болмайды», — деді Трамп.
АҚШ басшысы жасанды интеллектті Қытаймен арадағы технологиялық бәсекенің маңызды бағыты деп санайды. Оның бағалауынша, қазір АҚШ бұл салада Бейжіңнен алда келеді.
Трамп елінің осы басымдығын сақтап қалуға ниетті екенін атап өтті.
