Сот анықтағандай, бойжеткен өзінің жүктілігі туралы туыстарына тіс жармаған. Ол медициналық есепте де тұрмаған және жүктілік кезінде дәрігерлерге қаралмаған.
Толғағы үйде басталған. Қыз дәретхана ішінде тірі әрі жетілген баласын өзі босанған. Сәби дүниеге келгеннен кейін ол оны дәретхана шұңқырына тастай салған. Содан кейін, қылмыстық іс материалдарына сәйкес, баланың үстінен топырақ пен құм төгілген. Жаңа туған шақалақ шетінеп кетті.
Болған оқиғаның мән-жайы кейіннен қылмыстық іс жүргізу аясында қаралды. Сот процесі барысында қыз болған жағдайды жоққа шығармай, өз кінәсін толық мойындады.
Жаза тағайындау кезінде сот істің мән-жайы мен сотталушының ұстанымын ескерді. Нәтижесінде оған екі жылға бас бостандығын шектеу жазасы тағайындалды.
Бас бостандығын шектеу түзеу мекемесінде қамауда отыруды білдірмейді, алайда сотталған адам пробация қызметінің бақылауында болады және сот белгілеген талаптар мен шектеулерді сақтауға міндетті.
Үкім Түркістан облысының Сайрам ауданында жаңа туған сәбидің шетінеуіне қатысты іс бойынша шығарылды.
