Демалыс маусымындағы автокөлік қозғалысының күрт артуына байланысты Көлік министрлігі жүргізушілерге ресми түрде үндеу жасады.
Ведомство мәліметінше, жолдардағы апаттардың басым көпшілігі жол жүру ережелерін өрескел бұзумен тікелей байланысты. Ресми статистикаға сүйенсек, жол-көлік оқиғаларының 91%-ы жылдамдықты асырған, арақашықтықты сақтамаған, көлікті басқара алмай қалған немесе жол белгілерін елемеген жүргізушілердің кінәсінен болады.
Осыған орай Көлік министрлігі көлік иелерін алыс сапарға шыққанда барынша мұқият болуға және жолдардағы қауіпсіздік талаптарын қатаң сақтауға шақырды.
Жолыңыз ашық, оқитын жаңалығыңыз тек жақсылыққа толы болсын! Ақпарат әлеміндегі айнымас бағдарыңыз — SHYNDYK.KZ порталы.
