Бірінші жартыжылдықтың қорытындысы бойынша Қазақстанның өңдеу өнеркәсібіндегі өндіріс көлемі 9,8%-ға өсіп, 16 трлн теңгеге жетті. Бұл туралы Үкімет отырысында Өнеркәсіп және құрылыс министрі Ерсайын Нағаспаев мәлімдеді.
Оның айтуынша, шикізаттық емес тауарлар экспорты 14,6%-ға артып, 12 млрд долларға жеткен. Мемлекеттік және реттелетін сатып алулар аясында отандық өндірушілермен 82 млрд теңге сомасына 45 мыңнан астам шарт жасалды, ал «Самұрық-Қазына» қоры 390 млрд теңгеден астам сомаға ұзақ мерзімді келісімдер мен офтейк-келісімшарттарға қол қойды.
«2023 жылдан бастап экономика құрылымын жаңартуға және өңдеу өнеркәсібінің көлемін ұлғайтуға бағытталған 623 жоба іске қосылды. Бұрын Қазақстанда шығарылмаған жаңа өнім түрлерін өндіру игерілді», – деп атап өтті Ерсайын Нағаспаев.
Еліміздегі және әлемдегі басты экономикалық жаңалықтарды SHYNDYK.KZ-пен бірге оқыңыз.
