Қазақстанның мектеп бағдарламасына жасанды интеллектке байланысты тақырыптар қосылды. Оқу-ағарту министрлігінің хабарлауынша, бұл өзгерістер «Цифрлық сауаттылық» және «Информатика» пәндерін қамтыды.
Оқу бағдарламалары заманауи технологиялардың қарқынды дамуын ескере отырып жаңартылды. Енді оқушылар жасанды интеллект, машиналық оқыту, нейрожелілер, деректерді талдау, киберқауіпсіздік және медиасауаттылық негіздерімен танысатын болады.
Жаңа тақырыптарды 1-11 сынып оқушылары оқиды. Жалпы алғанда, оқу бағдарламаларына жас ерекшеліктеріне қарай бөлінген 43 жаңа оқу мақсаты қосылды.
Жаңартылған бағдарламаларды кезең-кезеңімен енгізу 2025 жылдың қыркүйегінде басталған, ал мұғалімдер үшін оқу процесінде ЖИ технологияларын қолдану бойынша әдістемелік ұсынымдар дайындалуда.
Толығырақ ақпарат пен өзге де маңызды жаңалықтарды SHYNDYK.KZ сайтынан оқи аласыздар.
