Шілде айында қазақстандық мұнай өңдеу зауыттары 1,535 миллион тонна мұнай мен газ конденсатын өңдеп шығарды. Салыстырмалы түрде айтсақ, бұдан бір ай бұрын бұл көрсеткіш 1,569 миллион тоннаны құраған еді.
SHYNDYK.KZ хабарлағандай, жалпы статистиканың төмендеуіне Атырау мұнай өңдеу зауытында 26 маусым мен 24 шілде аралығында жүргізілген жоспарлы жөндеу жұмыстары тікелей әсер еткен. Соның салдарынан аталған кәсіпорындағы өндіріс көлемі бір ай ішінде бірден 30 пайызға қысқарып, 289,8 мың тоннаға дейін азайды.
Дегенмен, еліміздегі өзге кәсіпорындар керісінше өсім көрсетіп отыр. Мәселен, Павлодар мұнай-химия зауыты шілдеде шамамен 558 мың тонна шикізат өңдесе, Шымкент мұнай өңдеу зауытында бұл көрсеткіш 558 мың тоннадан сәл асып түсті. Жалпы алғанда, 2026 жылдың қаңтар-шілде айлары аралығында отандық кәсіпорындар барлығы 10,52 миллион тонна мұнай мен газ конденсатын өңдеген. Өткен жылдың дәл осы кезеңінде бұл көлем 10,525 миллион тонна шамасында болған еді.
Осылайша, жеті айдың қорытындысы бойынша байқалған төмендеу аса айтарлықтай болған жоқ. Ал шілдедегі көрсеткіштің азаюы негізінен Атырау мұнай өңдеу зауыты қуаттылығының бір бөлігі жоспарлы жөндеуге байланысты уақытша тоқтатылуымен түсіндіріліп отыр.
