Әл-Фараби атындағы Қазақ ұлттық университеті жаңа QS World University Rankings жаһандық зерттеуінде таңқаларлық жоғары нәтиже көрсетті. Биыл алматылық білім ордасы жер жүзіндегі мыңдаған институттар арасындағы бәсекелестікке сәтті төтеп берді.
Бұл ретте SHYNDYK.KZ порталының шолушылары байқағандай, мұндай сенімді көрсеткіш отандық университетке өте мықты қарсыластарын артта қалдыруға мүмкіндік беріп отыр. Атап айтқанда, ҚазҰУ британдық Cardiff University, канадалық Queen’s University at Kingston, сондай-ақ Тайваньның ірі National Cheng Kung University оқу орындарынан оқ бойы озық шықты.
Дегенмен, бұл тізімдегі Қазақстанның жоғары білім саласының жағдайы қарама-қайшылыққа толы. Бір университетіміз әлемдік көшбасшылар қатарына ұмтылып жатқанда, Қазақстанның тағы бір өкілі — Шахмардан Есенов атындағы Каспий технологиялар және инжиниринг университеті ауқымды рейтингтің ең соңғы 1401-ші жолын түйіндеді.
