Саясаттанушы өзінің Telegram-арнасында жазғандай, физикалық зорлық-зомбылыққа келгенде ешқандай «екіұшты жағдай» болмауы тиіс.
«Ер адам не дұрыс болады, яғни әйеліне ешқашан қол көтермейді. Оның ішінде бұған жол бермейтін тосқауыл (блок) бар. Ал егер бір рет қол көтерсе, оның жалғасу ықтималдығы өте жоғары. Бұл анық. Сондықтан ең дұрыс стратегия — бірден кету», — деп қадап айтты саясаткер.
Сонымен қатар Әбішев агрессорлардың туыстарына да үндеу тастады. Ол отбасы мүшелерін «бұл — ішкі шаруа» деп жақындарын ақтаудан тыйылуға және зорлық-зомбылықты қатаң айыптауға шақырды. Саясаттанушының айтуынша, психикасы тұрақсыз еркектердің туыстары рулық емес, жалпыұлттық, тіпті жалпыадамзаттық логикаға сүйенуі тиіс.
Сондай-ақ ол полицияның бұл мәселеге қатаң қарауы қажеттігін атап өтті. Құқық қорғау органдары тұрмыстық жанжалдарды жәй ғана ұрыс-керіс емес, азаматтардың қауіпсіздігіне төнген тікелей қауіп ретінде қабылдауы керек.
«Қоғамда зорлық-зомбылыққа мүлдем төзбеушілік атмосферасын қалыптастыру қажет», — деп түйіндеді Ғазиз Әбішев.
