Жаңа зауыт отандық инновация саласын дамытудағы маңызды қадам болмақ. Инновациялық роботтарды өнеркәсіп, логистика, қаржы секторы, заманауи медицина және білім беру жүйесі сияқты әр түрлі салаларда белсенді түрде қолдану көзделіп отыр.
Бұл жоба әлемдік озық компаниялардың бірі – AgiBot-пен бірлесіп жүзеге асырылуда. Бұл елге инженерлік кадрлар мен озық тәжірибелерді тартуға мүмкіндік береді.
Ғылым және жоғары білім министрі Саясат Нұрбек атап өткендей, бұл жобаның ел үшін стратегиялық маңызы зор. Ол жетекші отандық университеттерді, ғылыми қауымдастықты және нақты индустрия секторын біртұтас технологиялық тізбекке біріктіруге жол ашады.
