Оқиға әлеуметтік желілерде тараған бейнежазбадан кейін белгілі болды. Кадрларда қыздың еденде отырып, ер адамнан қорғануға тырысқаны көрінеді. Бір сәтте ол шабуыл жасаған адамды итеріп жібереді. Осыдан кейін ер адам қыздың басынан сынған шыны затпен ұрған.
Әлеуметтік желілерде күдіктінің құқық қорғау органдарының қазіргі қызметкері екені туралы ақпарат тараған. Алайда Батыс Қазақстан облысының полиция департаменті бұл мәліметті жоққа шығарды. Ведомство ұсталған адамның полицияға қатысы жоқ екенін хабарлады.
Аталған факті бойынша қылмыстық іс қозғалып, күдікті полицияға жеткізілді. Қазір оқиғаның барлық мән-жайы анықталып жатыр.
Тергеу барысы БҚО полиция департаменті басшылығының бақылауында.
