Мемлекет басшысы бұл мереке өзбек халқы үшін ерекше мақтаныш екенін атап өтті. Оның сөзінше, Тәуелсіздік күні ұлттың бірлігі мен ынтымағын, орнықты өсім мен өрлеуге деген нық қадамын айшықтайды.
«Қазақстанда бауырлас Өзбекстанның әрбір жетістігін шын жүректен қуана қабылдайды. Біз халықтарымыздың сан ғасырлық достығын, тату көршілігін және өзара қолдауын жоғары бағалаймыз. Сан қырлы ынтымақтастығымыз бұрын-соңды болмаған жоғары деңгейде дамып, стратегиялық серіктестік пен одақтастық рухына толық сай келеді. Алдағы бірлескен жұмыс қол жеткізілген нәтижелерді еселеп, қазақ-өзбек қарым-қатынасын мемлекеттеріміздің игілігі үшін жаңа белеске көтеретініне сенімдімін», — делінген құттықтауда.
Қасым-Жомарт Тоқаев Шавкат Мирзиёевке жауапты мемлекеттік қызметінде табыс, ал бауырлас өзбек халқына бақ-береке мен өркендеу тіледі.
