Ресми нәтижелерден тыс қалған маңызды мәселенің бірі — партиялардың сайлаушылармен жұмыс сапасы. Кейбір саяси ұйымдар әлеуметтік желілерге басымдық бергенімен, қаралым, лүпіл мен ауқымды нақты дауысқа айналдыра алмады.
Талғат Қалиев подкаст барысында партияларға ақпараттық кеңістікте көріну неліктен жеткіліксіз екенін, қоғамның қызығушылығымен қалай жұмыс істеу керектігін және интернеттегі жарқын науқан мен халықпен жүйелі байланыстың арасы қай тұста ажырайтынын түсіндірді.
Шығарылымда «бәріне қарсымын» нұсқасына да ерекше назар аударылды. 200 мыңға жуық азаматтың мұндай таңдауы саяси партиялар үшін маңызды белгі болуы мүмкін.
«Саясаткер — кез келген толқында сырғанай алатын серфер. Ол өз толқынын тудыруға тырыспайды, басқалар қалыптастырған ақпараттық толқынды пайдаланып, барынша тиімді жұмыс істейді. Партияларға дәл осы қабілет өте қатты жетіспейді», — деді Талғат Қалиев.
https://www.youtube.com/watch?v=zzF7Yp-4o6wСайлауға қатысушылар қандай қателіктер жіберді, әлеуметтік желілер неліктен жеткіліксіз болды және «бәріне қарсымын» деген таңдау партиялардың алдағы жұмысына әсер ете ала ма? Подкасттың толық шығарылымын SHYNDYK.TV YouTube арнасынан көріңіз.
