«Бернли» сапындағы 18 жастағы қазақстандық шабуылшы Дастан Сәтпаев Чемпионшиптің 4-туры аясында «Мидлсброға» қарсы өткен кездесудің үздік ойыншысы деп танылды. Матч 1:1 есебімен аяқталды.
Сәтпаев алаңда 80 минут ойнап, екі рет қақпаға дәл соққы жасады. Оның пас беру дәлдігі 94% құрады. Сонымен қатар футболшы доп үшін болған төрт тартыстың үшеуінде жеңіске жетті.
Қазақстандық ойыншы алаңнан кеткен кезде жанкүйерлер оны қошеметпен шығарып салды.
Бұл — Дастан Сәтпаевтың ағылшын клубына ауысқаннан кейін алған алғашқы жеке жүлдесі. Сондай-ақ ол «Бернли» сапында қатарынан үшінші рет негізгі құрамда алаңға шықты.
